afkvæmi hugsanna minna... hlust´ekki lengur á mig...
|
|
| Brain relief afkvæmi hugsanna minna... hlust´ekki lengur á mig... |
|
|
föstudagur, janúar 30, 2004 Við gunsó tökum menningarrúnt um bæinn í gær. Byrjuðum með þotuliðinu í gyllta salnum á hótel borg þar sem vinir dóra voru að spila. Í vinahópnum að þessu sinni voru páll rósinkrans og besti karókí-söngvari landsins, kalli bjarni. Stóðu sig báðir feikivel og þetta band er algjörlega geggjað... Guðmundur Pétursson er náttla bara e-ð lasin, maður er ekkert svona góður á gítar! En til að kóróna allt tók andrea gylfa lokalagið og það var sko algjör bomba... ég var bara orðlaus. Nú vorum við dottnir í gírinn og héldum á grand rokk þar sem feel freeman (pétur, arnþór og fél.) voru að spila red hot... Þeir voru bara þrusugóðir og salurinn fullur af skagamönnum. Þetta var bara rokk; blóð, slagsmál og bjór. posted by Valþór | 10:26 miðvikudagur, janúar 28, 2004 Hann indriði er kominn í danaveldi til að stuðla að vexti al ingjalda... Stefnan er fyrst sett á norðurlöndin og svo sunnar í evrópu. Endilega tékkið á honum þar sem hann verður voðalega duglegur við að skrifa fréttir frá kóngsins köbenhavn. Það var enn sprett úr spori í hádeginu í dag og hefðbundinn hringur hlaupinn... þetta er farið að verða aðeins auðveldara. Algjör snilld... sumir (nb ekki ég) gleymdu nurlum og eru búnir að vera með hershöfðingjann lausan í buxunum í allan dag :D Tilefni mikils hláturs í dag... posted by Valþór | 17:50 þriðjudagur, janúar 27, 2004 Hlaupaklúbburinn tók svo hrikalega á því í gær að ég var sofnaður klukkan hálf ellefu... pínu sorglegt en grátlega satt. Svo er bara að sjá hvernig þetta gengur á morgun. Ég var að koma af laugaveginum þar sem ég var að ná í nýju úlpuna mína, ekki ráð nema í tíma sé tekið... "slysaðist" inn í skífuna og það veit ekki á gott. Ég held ég gæti bara átt heima í skífunni. Ætlaði náttla ekki að kaupa neitt en það er bara þannig að ég get ekki gengið tómhentur útúr skífunni þannig að í dag var það pink floyd... posted by Valþór | 17:03 mánudagur, janúar 26, 2004 Föstudagsdjammið var algjörlega hillaríus... Hófst klukkan 5 með bjór og snöfsum heima hjá Þórarni. Endaði miklu síðar á ónefndum "skemmti"stað í grafarvogi. Magnað og margir mættu rauðir í kinnum í vinnuna :) Núna er ég með magaverk því við Þórhallur erum að fara út að hlaupa. May god have mercy on my soul... posted by Valþór | 10:33 föstudagur, janúar 23, 2004 GWB hefur þann leiða málgalla að geta ekki sagt nuclear... borið fram núklíör. Hann finnur sig knúinn til að bera þetta fram núkilör... Þetta er afar leiðigjarnt þar sem hann talar um fátt annað en kjarnorku-prógröm hinna og þess "öxulvelda"... Takið eftir þessu næst því þetta er búið að pirra mig ósegjanlega mikið. posted by Valþór | 11:14 fimmtudagur, janúar 22, 2004 Today I pay the price of exercise... Við Þórhallur fórum loksins aftur út að hlaupa í gær. Við vorum ekki sérstaklega rismiklir en okkur tókst þó að klára 7 km. Af þeim sökum eru fæturnir frekar erfiðir í dag og láta illa að stjórn. En það breytir því ekki að hlaupaklúbburinn 1,0 hefur verið endurvakinn og sofnar vonandi ekki í bráð... posted by Valþór | 10:45 þriðjudagur, janúar 20, 2004 Ég held að það sé ljóst að umhverfi hefur áhrif á drauma... Í nótt dreymdi mig skrítinn draum. Byrja á að útskýra umhverfið. Ég bý á Laufásvegi við hliðina á Jóni Ásgeiri... í gærkvöldi tók ég mig til og reyndi að þrífa íbúðina mína e-ð og horfði svo á 70 mín. Nema hvað... mig dreymir að ég er inni hjá Ingibjörgu Pálma (Hagkaups) sem NB er með Jóni Ásgeiri (síðast þegar fréttist). Mér finnst eins og húsið sé beint á móti mínu en það er það ekki í raun og það sé gjörsamlega huge, (kemst að því síðar í draumnum að það sé samtals 750 fm). Þarna er ég að þrífa húsið þeirra, taka saman eftir matinn og e-ð og við erum bara öll þarna í gúddí-fílíng. Svo kemur tengdasonur þeirra (sem er ekki til en IP á son sem ég NB sá í gær) á Hummer (Jón Ásgeir á Hummer) en það reynist vera Sveppi. Við ákveðum að kíkja e-ð út og ég spyr hann hvað húsið er stórt sem hann svarar (sjá framar). Við setjumst uppí Hummerinn og Sveppi spyr: “Viltu ís?”... Ég segi já og við brunum af stað... Nett skrýtinn draumur... Eitt er það sem mér þykir sniðugt. Skv. frétt morgunblaðsins frá því um helgina hafa ísraelsmenn "merkt Sheik Ahmed Yassin dauðanum". Yassin þessi er andlegur leiðtogi Hamas-samtakanna. Hér sjáið þið mynd af honum. Hann er semsagt ansi hrörlegur fyrir utan það að vera lamaður á höndum og fótum... Spurning hvort það sé ekki óþarfi að vera að merkja hann sérstaklega, bara gefa honum smá tíma... posted by Valþór | 17:35 John Kerry, öldungardeildarþingmaður frá Massachusetts, sigraði óvænt í forkosningu demókrata í Iowa. Held að þetta sé gott mál fyrir minn mann, Wesley Clark, sem sleppti því að keppast við í Iowa til að einbeita sér að New Hampshire. Sennilega nokkuð áfall fyrir Dr. Howard Dean sem er efstur á landsvísu samkvæmt skoðanakönnunum. Vegna slæmrar útreiðar í Iowa virðist sem Dick Gephardt ætli að hætta við allt saman svo spennan eykst... posted by Valþór | 14:38 Nú telja vísindamenn sig hafa komist að því hvernig hin banvæna ebóla-veira kemst í menn. Veiran, sem nýlega lagði af velli 29 einstaklinga í lýðveldinu Kongó, virðist komast í snertingu við hinn viti borna mann (homo sapiens latína smatína) þegar fólk meðhöndlar hræ simpansa, górilla og smárra antilópa. Þannig megi spá fyrir um ebóla faraldra þegar aukningu er hægt að merkja í hræjum í skógunum. Ebóla kom fyrst fram svo vitað sé árið 1976. Veiran veldur miklum blæðingum og hita og sjúklingar deyja oft úr losti og þeim blæðir innvortis sem útvortis. Milli 50 og 90% sjúklinga deyja en það fer eftir stofni veirunnar. Þrátt fyrir þessa nýju vitneskju er enn ekki vitað hvaðan veiran kemur upprunalega, aðeins að ýmis dýr, s.s. simpansar og górillur, sýkjast af völdum hennar. Líklegt er samkvæmt þessu að upprunalegi hýsillinn (e. reservoir) veikist ekki. Vísindamennirnir telja að hver faraldur sé tilkominn vegna meðhöndlunar á einu hræi og mörg slík tilfelli valdi svo því sem kallað er outbreak. Margir á þessum svæðum Afríku treysta á apa sem fæðulind, nokkuð sem verið er að reyna að breyta vegna útrýmingarhættu margra þeirra. Takist að hjálpa fólkinu til við að finna aðrar fæðulindir má um leið minnka hættuna á ebóla faröldrum. posted by Valþór | 11:44 mánudagur, janúar 19, 2004 Þegar maður vill skrifa um eitthvað stórt sem skiptir máli þá er erfiðasti hlutinn að láta sér detta það í hug. Hvað er það sem alla varðar? Það er svo sem margt en hvað nennir fólk að lesa? Amk örugglega ekki svona bull eins og ég er að skrifa núna sem kannski ein manneskja skilur... Við héldum svaka going-away teiti fyrir sindra á laugardag... Það var alveg tjúttað stuð og sindri var alveg clueless. Hann var íklæddur prýðisgóðum álgalla sem hver annar en T trukkur reddaði. Bjórinn flæddi og smakkaðist vel, gott fólk og góð gleði... posted by Valþór | 13:55 fimmtudagur, janúar 15, 2004 Hann Michael Moore er mér greinilega hjartanlega sammála... Fór á dúndurfréttir í gær í svona tíunda skiptið og það er bara alltaf jafn gaman... matti lá veikur heima í gær þannig að það vantaði söngvara og, það sem meira er, rytmagítar... virtist bara ekki skipta máli og þeir voru ótrúlega þéttir. posted by Valþór | 14:54 miðvikudagur, janúar 14, 2004 Ég er kominn á kaf í ruglið... Er alveg búinn að fá áhuga á kosningum í usa2004. Mér er mikið í mun um að fá GWB frá völdum svo ég hef verið að skoða hvern mér líst best á í forkosningu demókrata. Virðist vera samansafn af óttalegum vesalingum nema hvað einn er sá sem mér líkar betur við en aðra. Það er hinn ágæti fyrrv. hershöfðingi Wesley Clark. Þetta er gaukur sem virðist kunna að segja meiningu sína og er NB ekki pólitíkus því hann er aðeins nýgenginn í flokk demókrata. Ég er ekki alveg að sjá að Howard Dean geti unnið gogga runna en svei mér þá ef Clark sé ekki bara fær um það. Hann getur í það minnsta skotið hann á kaf í utanríkismálum. Hann setur afkomu fjölskyldunnar, umhverfið og menntun í fyrstu sætin ásamt heilbrigðismálum. Hann er líka þessi týpíska bandaríska "hetja". Var skotinn fjórum sinnum í Víetnam og þurfti að kenna sér að ganga á ný. Hefur verið sæmdur presidental medal of honor, purple heart, bronze heart, silver star og sitthvað fleira auk þess að hafa verið sleginn til riddara í tveimur löndum evrópu. Hann stýrði her nató í kosovo án þess að nokkur hermaður í sveitum nató missti lífið og virðist vera gúddí gæji... posted by Valþór | 15:50 þriðjudagur, janúar 13, 2004 Málræktarvaðall: Þórhallur félagi minn kom með nýtt sagnorð í íslenskt mál í fyrirlestri sem hann hélt nú í hádeginu. Þetta er sögnin að hannesa. Sögnin þýðir að taka e-ð efni ófrjálsri hendi og nota án þess að geta heimilda. T.a.m. má ímynda sér að maður taki myndir á netinu og noti í sína fyrirlestra líkt og þær væru manns eigins. Eins mætti nota sögnina víðar. Sögnin kemur í stað slettunnar að sjanghæja sem kemur úr ensku: to shanghai. Uppruni þeirrar sagnar er breskur en þar í landi tíðkaðist að "nappa" mönnum sem voru ofurölvi og fara með þá á bát. Þegar þeir svo vöknuðu um borð var ekkert annað að gera en að vinna... posted by Valþór | 13:11 mánudagur, janúar 12, 2004 News flash: Dúndurfréttir mið. 14.01.2004 - gaukur á stöng Paul O´Neill, fyrrv. fjármálaráðherra USA segir að á ríkisstjórnarfundi sé eins og GWB sé blindur og hinir heyrnarlausir. Gott að svona fólk sé að stjórna heiminum... Hann bætir við að á fyrstu vikum stjórnartíðar GWB hafi verið ákveðið að ráðast inn í Írak. Lesa hér Kemur á óvart... eða þannig. posted by Valþór | 14:10 Það var drukkið á föstudaginn... Það var hangið í trjám, fólk pirrað og margt sem ekki verður rætt hér. NB ég er saklaus. posted by Valþór | 11:00 föstudagur, janúar 09, 2004 Commentakerfið er mætt á staðinn... Commenti nú hver sem betur getur, þ.e.a.s. Gunni og Doddi sem eru u.þ.b. þeir einu sem lesa þetta... eða hvað? posted by Valþór | 15:13 Þýðir nokkuð annað en að fá sér bjór í kvöld? Maður spyr sig... posted by Valþór | 14:43 fimmtudagur, janúar 08, 2004 oh maður... var veikur heima í gær. Alveg leiðinlegast í heimi! Ekkert til að borða og maður las bók allan daginn sem maður hefur lesið áður. Very productive... Ef einhver ykkar nennir að mála hjá mér ganginn þá má viðkomamdi hafa samband. Málning á staðnum... Er ekki að nenna þessu. posted by Valþór | 16:34 þriðjudagur, janúar 06, 2004 vá hvað maður er ekki alveg heill á geði... sólarhringurinn er hálf öfugur eftir hátíðar eins og gerist og gengur. Ég lá uppí rúmi í gærkvöldi, tilbúinn að taka á móti draumum en á fór hugurinn að reika. Fór e-ð að spá í usa og var e-ð að flakka á milli ríkja... og hvað þá? Dettur mér í hug atriði úr friends þar sem þeir voru að reyna að skrifa upp öll ríki usa... og hvað geri ég? Jújú kveiki ljósið og næ í blað og penna og byrja... Kemst hratt í 36 kvikindi en þá fer þetta að verða erfiðara og gengur hægar... næ mér svo uppí ca 46 og þá er allt stopp... Hvað get ég gert??? Amk ekki farið að sofa, það er alveg á hreinu! Ekki með netsamband heima til að ná mér í hjálp við að klára þetta... Ekki með landabréfabók... Rölti fram í stofu og kíki á hvaða bækur ég er með... Ekkert! Nema kannski... It´s a long shot but I´m despirate... Ensk-íslensk orðabók með alfræðilegu ívafi... Ákveð að leita að þessu alfræðilega ívafi... Fletti uppá usa. Engin upptalning á fylkjum... Leita að Mid-west, mississippi river, great lakes og bara öllu sem mér dettur í hug til að fá hjálp. Kemst í 49. Og ég held áfram að fletta... og fletta... og fletta. Svo eftir heilmikið viðbótar flett ákveð ég að tékka á new jersey, bara í einhverju rugli... datt ekki hug að það væri ríki (stupid crap). Og viti menn... Fimmtugasta ríkið á mínum lista: New Jersey... E-ð sem var búið að fara hundrað sinnum í gegnum kollinn á mér... dag bara ekki til hugar að það væri ríki! Sofnaði svo sáttari við usa uppúr þrjú... posted by Valþór | 12:07 mánudagur, janúar 05, 2004 Ef einhver getur sagt mér hvers vegna Opinberun Hannesar fékk 3 stjörnur í mogganum má hinn sami slá á til mín og útskýra þetta. Ríkissjónvarpið fær ansi bágt fyrir að bera slíkan viðbjóð á borð sem þessi mynd er, svo ekki sé nú talað um helvítis "skaupið". Ágúst Guðmundsson "leikstjóri" hefur verið ansi góður í að gera lélegt efni og nægilegt er að telja upp myndir eins og mávahlátur frá 2001, Dansinn frá 1998 og Gullsandur frá 1984 (hver man ekki eftir henni?). Gerði reyndar Með allt á hreinu 1982 en maður fær það einhvern veginn á tilfinninguna að stuðmenn eigi einhvern þátt í velgengi þeirrar myndar. Hrafn Gunnlaugsson og Ágúst Guðmundsson eru gott dæmi um íslenska kvikmyndagerðarmenn sem hafa byrjað ferilinn sæmilega og svo bara algjörlega misst það. Hrafn byrjar sæmilega með myndum eins og Óðal feðranna 1980 og Hrafninn flýgur 1984 en svo er myndir frá helvíti sbr. Hvíti víkingurinn 1991, Hin helgu vé 1993, Myrkrahöfðinginn 1999 og svo óskarverðlaunaefni okkar íslendinga: Opinberun Hannesar 2003. Ágúst byrjar á Land og synir 1980, Útlaginn 1981 og Með allt á hreinu 1982 og síðan koma þær myndir sem taldar voru upp að framan. Gerið okkur (og ykkur) greiða og finnið ykkur eitthvað annað að gera! posted by Valþór | 15:59 jæja nýtt ár sama sjittið... bíða eftir lín. Helduru a mar sjé iggibara kominn me sonna helliddi gott kvef... Er um það bil að kafna hérna og skemmti samstarfsmönnum mínum með hnerri og snýtingum... Jólin loksins búin og maður fer að lifa á viðbjóði aftur. Gaman að fara að versla í matinn í gær... skyr, brauð, frosið stuff, franskar í dós og alls konar viðurstyggð. Erfitt að skipta yfir í þetta eftir að vera búinn að éta allt sem gott er í næstum hálfan mánuð. En á nýju ári er að sjálfsögðu stefnt að nýju og betra lífi (je ræt) með hollu mataræði og hreyfingu (more like beer and burgers). posted by Valþór | 15:45 |
|
|
|
|
|
|
 |
||||
|
|||||
