afkvæmi hugsanna minna... hlust´ekki lengur á mig...
|
|
| Brain relief afkvæmi hugsanna minna... hlust´ekki lengur á mig... |
|
|
þriðjudagur, ágúst 31, 2004 Strákurinn er að verða spenntur fyrir ráðstefnunni um helgina. Flýg til Glasgow eldsnemma (fire-early?) á föstudag. Ráðstefnan byrjar svo á laugardag. Ég á að kynna minn póster eftir hádegi á sunnudag og ég er bara með eina af uþb 4500 slíkum kynningum fyrir utan allt annað! Já þetta er frekar stór ráðstefna. Svo stór reyndar að allt gistipláss er uppurið í Glasgow svo við gistum í Edinborg. Sem er ekki slæmt þar sem Edinborg á að vera skemmtilegri borg. Kem svo tilbaka á þriðjudag. Hlakka til að drekka einn kaldan Tennents... posted by Valþór | 10:02 fimmtudagur, ágúst 26, 2004 Fórum á frumsýningu á Supersize me! í gærkvöldi. Spurlock á staðnum og svaraði spurningum áhorfenda. Verð að segja að mér fannst þessi mynd alveg McStórskemmtileg. Gaurinn er með fínan húmor og gerir þetta mjög vel. Fer svipaða leið og Michael Moore gerir í Dude, where´s my country? í umfjöllun sinni um mat í skólum í Bandaríkjunum. Þarna fjallar hann líka um gastric bypass aðgerðir en þeim hefur fjölgað gífurlega á undanförnum árum. Í þeim er stór hluti magans fjarlægður og eftir stendur magi á stærð við epli. Einnig er fjallað um þetta í nýjasta hefti National Geographic í grein sem að heitir The cost of fat að mig minnir. Frábært að fá svona öðruvísi bíó, fyrst F 9/11 og svo nú þessi. Drullist í bíó! posted by Valþór | 09:32 þriðjudagur, ágúst 24, 2004 Man hreinlega ekki eftir því að hafa áður mætt í vinnuna klukkan 7... Þurfti að sleppa ræktinni í morgun til að hitta doktorinn til að byrja á pósternum fyrir ráðstefnuna í glasgow. Spurning hvort það verði til orka seinni partinn til að skella sér í púlið. Annars er ég nokkuð stoltur af sjálfum mér fyrir að hafa hagað mér einstaklega fallega um helgina. Nennti ekki í ruglið á menningarnótt. Of mikið af fólki svo ég var bara rólegur og fylgdist með. Fínir tónleikar á miðbakkanum þó bubbi hefði mátt jojojo-a og jakkedijakkedijakkedi-a minna og syngja meira í staðinn... Fengum fínan mat á hereford og djöfullega góða súkkulaðitertu í eftirrétt... Vorum bara á röltinu um miðjan daginn og ég rúllaði einni filmu til að gera eitthvað. Nennti eiginlega ekki að vera elta einhverja viðburði, nóg bara að sjá fólkið og tinnu bíða í röð með litlu börnunum til að fá candy floss eða hvað sem þessi horbjóður heitir. Vinnan kallar... catch you on the flip side... posted by Valþór | 10:36 fimmtudagur, ágúst 19, 2004 Gaman að leiknum í gær... Það sem mér fannst einna best í þessu var þegar komu skot af ólafi ragnari og dorrit. Dorrit var gjörsamlega að fara úr límingunum og lifði sig vel inn í leikinn á meðan ólafur sat eins og dúkka. Frekar sniðugt. Fór og hitti Tum í gær en hún var að hjálpa okkur með ferðina í thailandi í fyrra. Gaman að hitta hana aftur og það eru alveg jafnmikil læti í henni og í fyrra... eða þannig. Maður þarf virkilega að vanda sig til að heyra hvað hún segir því hún talar svo lágt og rólega, e-ð annað en við íslendingarnir. Hún verður hérna í 6 mánuði til að vinna að doktorsverkefninu sínu og ég hvet ykkur thailandsfara til að gera ykkur ferð til að hitta hana. Menningarnótt á lau og m&p búin að bjóða okkur litlu strákunum á hereford :) Svo ætla ég að sjá rásar 2 tónleikana á miðbakkanum... "Our enemies are innovative and resourceful, and so are we. They never stop thinking about new ways to harm our country and our people, and neither do we." - George W. Bush, August 5th Þetta er náttla bara svo gáfulega mælt að það hálfa... ef þið trúið þessu ekki þá getið þið séð þetta hér: http://www.michaelmoore.com/words/index.php?id=126 posted by Valþór | 12:44 föstudagur, ágúst 13, 2004 Góður dagur í gær... setið úti og haft það gott bara. Fórum svo á doors tribute tónleika í gær á gauknum. Ég er búinn að vera doors aðdáandi í 11 ár og var pínu smeykur um að söngurinn yrði ekki alveg nógu flottur. En þessir tónleikar voru bara hreint og beint frábærir. Björgvin kom mjög á óvart og negldi þetta... það er náttla bara einn lizard king en þrátt fyrir það verð ég bara að hrósa honum fyrir magnaðan performans. Hjálpaði líka til að hárið var á sínum stað og leðurbuxurnar. Greinilegt að hann hefur stúderað taktana vel... Hljóðfæraleikurinn var líka óaðfinnanlegur enda bjóst ég ekki við öðru af þessum snillingum. Það er alveg á hreinu að þeir eiga eftir að spila aftur... posted by Valþór | 13:11 miðvikudagur, ágúst 11, 2004 Já það er aðeins heitt... Gaman að vera lokaður í kjallara með glugga sem snúa að sólu... Talandi um hita þá er ég búinn að sjá fahrenheit 9/11. Finnst þetta mögnuð mynd. Að sjálfsögðu slær maður varnagla þegar moore byrjar að þylja upp staðreyndur eða staðleysur hvort sem mönnum finnst. Þrátt fyrir það eru hlutir þarna sem maður veit að eru sannir og margir þeirra eru hreint hrollvekjandi. Þessi mynd vakti hjá mér ótrúlega fjölbreytilegar tilfinningar. Hún er allt í senn sprenghlægileg og ótrúlega sorgleg... hún vekur upp ofsareiði og hneykslan og maður er hreint orðlaus á köflum yfir ýmis konar hlutum. T.a.m. hermenn þeysa í gegnum borgir skjótandi á allt og alla því þeir vita ekki hver er vinveittur og hver ekki, hlustandi á burning down the house eða e-ð death metal til að koma þeim í stuð og skilja ekkert hvers vegna fólkið faðmar þá ekki að sér því þeir séu jú að frelsa það. Myndir sem sýndar eru frá írak eru margar hverjar skuggalegar í meira lagi og hef ég það fyrir satt að moore hafi átt myndefni sem var mun hrottalegra. Moore er líka góður í að gera stjórnmálamenn bjánalega og þar er kannski skemmtigildi myndarinnar komið. Ef maður lítur fram hjá því og horfir á þær staðreyndir sem fyrir liggja, sér í lagi í sambandi við íraksstríðið hið síðara, getur maður ekki annað en hugsað að hér sé e-ð rotið. Ég er ófeiminn við að viðurkenna að í upphafi fannst mér ekkert að því að ráðast inn í írak. Enda voru "staðreyndirnar" sem bornar voru á borð fyrir mann þess eðlis að manni fannst þetta þarfaþing hið mesta. En nú veit almenningur betur og enda hafa viðbrögð stjórnmálamanna við spurningum um þetta nú breyst frá því að fjalla um réttmæti innrásarinnar í það að tala um að nú sé rétt að horfa fram á veginn og vinna að friði í írak. En þetta er nú bara það sem mér finnst... Ásdís skrifar um myndina hérna http://www.deiglan.com/index.php?itemid=6636 posted by Valþór | 14:26 mánudagur, ágúst 09, 2004 Hugtakið "róleg helgi" er e-ð sem ég man ekki alveg lengur hvað stendur fyrir. Ætla þó að reyna fljótlega við e-ð slíkt en nánari tímasetningu er algjörlega vonlaust að negla niður. Á föstudag eldaði óli dýrslega hammara handa okkur gunna og svo kíktum við á siggeir sem er kominn heim frá ríki jafnaðarmanna. Þar rúlaði metallica og ásdís fékk góðan skammt af hreinni vitleysu í gegnum netið. Hálf vorkenni henni bara. Gunnar íklæddur þýzkum nazi jakka og hatti spilaði á gítar og við öskruðum með. Var þrátt fyrir þetta kominn heim á siðsamlegum tíma og mætti svo eldsprækur í laugar í hádeginu á laugardeginum. Þá var rennt á skaga í 25 manna grillveislu heima... Öll systkini pabba og allt þeirra stóð... Slegið upp langborði í bílskúrnum (enginn venjulegur bílskúr NB) og étið á sig gat og drukkið í samræmi. Flöskulíkin voru ófá daginn eftir og fjölda þeirra er hreinlega ekki hafandi eftir, sérstaklega þegar litið er til þess hve margir voru ekki að drekka. Við addi tróðum ofan í þá sem þorðu F-18, whatever og volcano. Menn og konur þoldu þetta mjög misvel og ég endaði í aðstoð á klósettinu í eitt skiptið :) Hrólfur snillingur átti ljóskumoment kvöldsins þegar hann spurði hvað "fílabjórinn" héti nú aftur... duh... Svo skoðuðum við líka slides-myndir frá afa og það var bara gaman. Það verður að nota þessi tækifæri vel þegar hluti fjölskyldunnar er að flytja til japan og ég held að það hafi svo sannarlega verið gert í þetta skiptið. posted by Valþór | 15:24 föstudagur, ágúst 06, 2004 Ó hvað ég er hryllilega sáttur akkurat núna. Var að dánlóda metallica tónleikunum og er að hlusta á þessa snilld. Gæsahúð hægri vinstri fram og tilbaka upp niður og allt um kring! posted by Valþór | 11:21 fimmtudagur, ágúst 05, 2004 Hvern var ég að reyna að plata þegar ég sagði að það væri bara erfiðast fyrst að vakna svona snemma? Þetta verður ekki rassgat auðveldara! Var svo syfjaður í morgun að ég var hreinlega heppinn að hitta á útidyrnar til að komast út. Ekki það, mar hressist svo sem fljótt en jesus maria garcia aspe hvað mar þarf að sparka sér fram úr bælinu. Svo mætir mar niður í laugar rétt eftir klukkan sex grútmyglaður og snaröfugur í framan og það fyrsta sem mar sér er fáránlega vel tilhaft fólk sem bara hlýtur að vakna klukkan fjögur til þess eins að fara í sturtu og strauja hrukkurnar áður það vogar sér að fara í ræktina. Sem betur fer er alltaf einn og einn úldinn kartöflupoki eins og mar sjálfur inn á milli sem lætur manni líða örlítið skár. Bara pæling... posted by Valþór | 12:21 þriðjudagur, ágúst 03, 2004 Áhugaverð helgi að baki to say the least! Veit eiginlega ekki hvort ég eigi nokkuð að vera að lýsa þessu e-ð. Amk var fjör heima hjá mér á fös og heima hjá adda á lau. Má eiginlega segja að eldur og áfengi hafi verið rauði þráðurinn. Antoine var í essinu og hristi fram alls konar stöff sem að mig minnir að some of which were called F-18, volcano, whatever og svo e-ð meira. Vegamót bitu stóran bita úr debetkortinu mínu um helgina. Er ekkert svona afsláttarkortadæmiseitthvaðfyrirfrequentbuyerswhodonthaveanymoney? Held að hugmynd okkar antoine um að opna bar sé bara góð m.v. hvað ég er að eyða á barnum. En nú er líka komið gott. Tvær massahelgar í röð. Fjölskylduskemmtun á næstu helgi! posted by Valþór | 14:07 |
|
|
|
|
|
|
 |
||||
|
|||||
