afkvæmi hugsanna minna... hlust´ekki lengur á mig...
|
|
| Brain relief afkvæmi hugsanna minna... hlust´ekki lengur á mig... |
|
|
mánudagur, september 27, 2004 Bjórinn rann um helgina... skellti mér á skaga á fös og fór í ammli til hromz hasselhoff. Fékk svo allt annað en nett menningarsjokk á mörkinni... úff. Say no more... Kíktum svo á dillon á lau og yann kom með tvo fugla með sér, maxim og julien. Massafínt að vera á dillon, góð tónlist og hæfilega skítugt. Rokkamman sjálf var að diska og gerði góða hluti. Svo var reynt að sýna fuglunum e-ð af menningunni... Tókst að álpast inn á kapital þar sem virtist vera samkomustaður barna í verkfalli. Fórum svo á sólon og komum við á kofanum og vegamótum þar sem gunna varð of heitt... Svo var náttla farið út að borða. Get ekki hætt að hlusta á Israel Kamakawio´ole syngja over the rainbow/wonderful world. Þessi kauði var víst frá hawaii og spilaði á ukelele... tjekkid... posted by Valþór | 17:41 miðvikudagur, september 22, 2004 Íslendingar eiga sinn eigin sígópata. Sígópatinn okkar heitir Ástþór. Mér þykir vænt um sígópatann okkar. Hann hefur létt mér lundina oftar en einu sinni og oftar en tvisvar. Hver hefur ekki gaman að því að sjá sígópatann okkar hangandi uppi í körfubíl til að taka myndir af starfsmönnum dv/fréttablaðsins? Eða strunsandi útúr héraðsdómi útataður í tómatsósu? Eða að hlusta á samsæriskenningar um rúv? Ástþór, okkar ástkæri sígópati, hefur verið tilefni margra skemmtilegra samtala sem ég hef átt og fyrir það er honum hreinlega þakkað! Get ekki beðið eftir næsta djóki. Við vorum nú samt heppin að kjósa ekki sígópatann okkar til forseta eins og sumir gerðu... "We've got an issue in America. Too many good docs are getting out of business. Too many OB-GYNs aren't able to practice their love with women all across this country." Bara sígópati... En hér er nú samt mynd af okkar sígópata: http://www.visir.is/lisalib/getFile.aspx?ItemID=15273&Proc=1 posted by Valþór | 13:04 þriðjudagur, september 21, 2004 Móðir mín elskuleg er fimmtug í dag. Til hamingju með það... Hún heldur uppá daginn á djammi í kóngsins köben. Annar áfangi í dag er sá að leiðbeinandi minn ver doktorsritgerð sína. Af því tilefni mun ég þiggja léttar veitingar síðar í dag... posted by Valþór | 09:42 föstudagur, september 17, 2004 Jæja... nú eru rétt rúmlega tveir mánuðir liðnir síðan ég byrjaði í ræktinni. Á þessum tíma hef ég vaknað oftar fyrir klukkan sex en ég kæri mig um að muna. Annars er helsti munurinn á að vakna klukkan sex eða átta sá að maður verður syfjaðri á kvöldin, sem er bara allt í lagi. Ég er nokkuð sáttur við árangurinn hingað til og mun halda þessari vitleysu áfram. Er bara að reyna að vanda mig við að borða sem mest, öfugt við flesta sem mæta í ræktina. Mér reynist nefnilega ótrúlega erfitt að þyngja mig þar sem ég er með einhverja innbyggða súper-dúber ofur brennslu. Þess vegna neyði ég ofan í mig einhverju sem heitir því undurfallega nafni Mass-Factor. Ekki alveg orðið sem fólki dettur í hug þegar það ber mig augum en hvað um það... Ég er amk búinn að bæta á mig einhverjum grömmum og er þyngri en ég hef áður verið. Þetta er samt að verða að fíkn að fara í ræktina. Er mas farinn að hugsa mig tvisvar um áður en ég fæ mér í glas! En sem betur fer vinnur nú glasið yfirleitt eftir hugsun nr tvö... Samt fyndið að sjá muninn á mætingu núna eða í júlí. Stöðin var hálf-tóm í júlí en núna veður allt í fólki. Nema í gær þegar vonda veðrið var. Þá voru greinilega æði margir sem breiddu sængina yfir höfuðið... get nú ekki sagt að ég hafi ekki íhugað það. posted by Valþór | 14:36 þriðjudagur, september 14, 2004 hmmm nágrannar mínir, kenndir við kóla-drykk, virðast vera búnir að missa það... komnar upp tvær öryggismyndavélar. Önnur vísar að bílastæðinu framan við bílskúrinn en hin út að gangstéttinni þar sem þau liggja restinni af flotanum. Má mar bara setja upp myndavél sem vísar útá gangstétt? Mér er spurn... Hlýtur að vera grátt svæði. Björgvin verður settur í málið... posted by Valþór | 13:02 fimmtudagur, september 09, 2004 The boy is back from scotland... mjög skemmtileg ferð þó svo hún hafi verið nokkuð strembin. Fór á þessa rosalegu ráðstefnu og þarna voru á milli 15 og 17 þús manns. Fáránlega mikið og stórt allt. Gekk bara nokkuð vel og ég hitti mikið af góðum mönnum og konum. Át á mig gat í boði lyfjafyrirtækja og svolgraði í mig þekkingu um lungu og fólk. Kann mjög vel á scotrail eftir tíðar ferðir... Edinborg er afskaplega falleg borg og ég væri alveg til í að túristast aðeins þar einhvern tíma... ekki mikill tími í þetta skiptið. Náði að endurnýja ánægjuleg kynni við starbucks. Ég elska starbucks. Hef sjaldan drukkið jafnmikið af kaffi á jafn stuttum tíma... cappuccino, latté, mocha, espresso, frappuccino og allt hvaðeina... Náði að kíkja í nokkrar búðir og versla dvd, cd, bækur og föt á ótrúlegum tíma... Var að klára að klára að lesa Touching the Void eftir Joe Simpson og hún er bara frábær! Vildi klára hana áður en ég sé myndina og mæli hiklaust með henni. Rosaleg frásögn frá ótrúlegum innri átökum sem og við náttúru. Jæja... halda áfram að skrifa... bissý krissý þessa dagana... posted by Valþór | 14:27 miðvikudagur, september 01, 2004 Þorgrímur Þrá var að koma og gefa mér 8 2 cool 2 smoke boli... Vill e-r vera vinur minn? posted by Valþór | 11:12 |
|
|
|
|
|
|
 |
||||
|
|||||
